TALAGSAONG KAHIGAYONAN SA MGA NAGPANGIDARON OG KINSE ANYOS PATAAS

BISAYANG BALITA ‘NI, BAI

TALAGSAONG KAHIGAYONAN SA MGA NAGPANGIDARON OG KINSE ANYOS PATAAS

 

Nagpadayon ang Technical Education and Skills Development Authority (TESDA) sa pag-awhag sa mga nagpangidaron og kinse anyos pataas, nga mga molupyo sa Quinto Distrito sa Leyte, sa pag-apil sa National Technical Vocational Education and Training (TVET) Registration and Jobs Bridging.

Didto kini ipahigayon sa Baybay City Gym karong Marso dos ‘ning tuiga, sugod sa alas otso sa buntag.

Atol sa maong kalihokan, makapalista ang mga katawhan nga interesadong mokuha og mga kurso nga gitanyag sa TESDA aron sila mahimong scholars.

Atol sa interview kang TESDA Leyte Provincial Director Loreta Banario, iyang gibutyag nga ang Training for Work Scholarship Program (TWSP) pa lang ang ilang scholarship program nga aduna nay pondo sa pagka karon.

Ubos sa TWSP, libre ang training fee ug ang competency assessment fee apan walay madawat nga allowance ug tool kit ang mga TWSP scholars.

Matud pa ni TESDA Leyte Provincial Director Banario nga maghatag sila og 25 scholarship slots sa matag qualified training program sa matag tunghaan dinhi sa Quinto Distrito sa Leyte nga nagtanyag og mga TESDA courses.

Hinuon, matud pa ni Director Banario nga mahimo silang magparehistro og advance alang sa Special Training for Employment Program (STEP) nga ipahigayon usab unya sa TESDA pinaagi ni Congressman Jose Carlos Cari sa Quinto Distrito sa Leyte.

Ubos sa STEP, makadawat og allowance ug tool kit ang mga STEP scholars, libre na usab ang training fee, competency assessment fee ug ang entrepreneurship fee.

Apan gitataw ni Director Banario nga kinahanglan nga one at a time ra ang pagkuha og mga TESDA courses.

Kini nagpasabot nga kinahanglan nga tapuson usa sa usa ka trainee ang una nga kurso sa TESDA nga iyang gikuha sa dili pa siya makapa-enroll sa laing kurso sa TESDA nga makapalig-on sa iya nang nakat-onan sa una nga kurso nga iyang gi-apilan.

Samtang, kaabag unya sa TESDA ang Department of Labor and Employment (DOLE), ang Public Employment Service Office (PESO) ug ang CSWDO sa pagpahigayon sa Jobs Bridging sa mao gihapong adlaw.

Matud pa ni Dir. Banario nga tumong niining maong kalihokan nga katabangan sa pagpangita og trabaho ang mga katawhan nga walay trabaho, ilabi na ang mga graduates sa mga kurso nga gitanyag sa TESDA.

Alang sa dugang kasayuran, bisita lang sa City Social Welfare and Development Office ‘ning dakbayan sa Baybay ug pangitaa lang si Social Worker Officer III Manuel Icon Donayre.

Matawagan usab ang CSWDO ‘ning dakbayan sa telepono numbero (053) 563-9006. (Marissa Miguel Cano with reports from Jason Ybañez)

###

Libre nga serbisyo sa CCRO

BISAYANG BALITA ‘NI, BAI

Libre nga serbisyo sa CCRO

karong Febrero 27, 2018

 

“Ang atong buhatan sa City Civil Registrar maghatag og libre nga serbisyo sa pag-issue og mga certification sa birth, marriage and death karong Febrero 27, 2018 diin mao kini ang Culmination Day sa Civil Registration Month Celebration.”

Mao kini ang gibutyag ni City Civil Registrar Mr. Noel Managbanag dili pa lamang dugay.

Didto kini ipahigayon sa City Civil Registrar’s Office ‘ning dakbayan nga anaa mahimutang sa Ground Flood sa Baybay City Hall.

Nunot niini, gi-awhag ni Managbanag ang mga Baybayanon nga wala pa makaparehistro sa ilang anak o kadtong mga dugay nang namatyan apan wala pa gihapon nakakuha og death certificate sa pag-adto sa ilang buhatan karong Martes puhon, Febrero 27, aron makapahimulos niining maong libre nga mga serbisyo sa CCRO.

Samtang, atol sa pagpakighinabi kang City Civil Registrar Managbanag iyang gibutyag nga naghatag sila og libre nga Philippine Statistics Authority (PSA) copy sa birth certificates sa mga indigent nga mga kabataan sa mga kabarangayn ‘ning dakbayan.

Matud pa ni Managbanag nga gumikan kini kay maoy gusto ni Baybay City Mayor Carmen L. Cari nga aduna nay PSA-copy sa ilang birth certificates ang tanan nga mga kabataan dinhi sa dakbayan sa Baybay nga motungha sa Grade I.

Nagkanayon si Managbanag nga ang mga Child Development Workers sa mga kabarangayan ang miila kon kinsa sa ilang mga kabataan ang indigent o walay ikagasto ang ginikanan sa pagkuha og PSA-copy sa ilang birth certificates didto sa dakbayan sa Tacloban.

Nasayran nga isumite sa mga Child Development Workers ang maong listahan ngadto sa City Social Welfare and Development Office (CSWDO) kinsa mao ang moluwat og Certificate of Indigency alang sa nahisgotang mga kabataan sa dili pa kini nila isumite ngadto sa CCRO.

Sumala pa sa taho nga ang CCRO ang mosumite sa maong listahan didto sa buhatan sa PSA sa dakbayan sa Tacloban uban sa bayad gikan sa Gender and Development Local Civil Registrar (GAD-LCR) Fund sa Lokal nga Kagamhanan sa dakbayan sa Baybay.

Angayang masayran nga sa miaging tuig 1,747 ka mga kabataan ang nakuhaan og PSA-copy sa ilan birth certificate pinaagi sa CCRO ‘ning dakbayan.

Matud pa usab ni Managbanag nga karong tuiga, migahin og pondo ang Lokal nga Kagamhanan sa dakbayan sa Baybay, pinaagi sa GAD-LCR Fund niini alang sa PSA-copy sa birth certificate sa 1,800 ka mga indigent pupils nga motungha og Grade I.

Angayang masayran nga segun pa sa Philippine Statistics Authority (PSA), nga sa tibuok nasud, bugtong ang Lokal nga Kagamhanan sa dakbayan sa Baybay lang ang naghatag og libre nga PSA-issued birth certificates sa mga indigent pupils nga mosulod og Grade I.

Alang sa dugang kasayuran bisita lang sa City Civil Registrar’s Office nga anaa mahimutang sa Ground Floor sa Baybay City Hall ug pangitaa lang si City Civil Registrar Mr. Noel Managbanag. (Marissa Miguel Cano with reports from Jason Ybañez)

###

A NIGHT OF LOVE AT LINTAON PEAK

A NIGHT OF LOVE AT LINTAON PEAK

The City Mayor of Baybay, Hon. Carmen L. Cari conceptualized an event that will gather all the aspiring ballroom dancers with their friends and family on the night of love at the Pavilion Hall, Lintaon Peak, as a post-valentine celebration which falls in the Chinese New Year.

This event was organized by the Baybay City Tourism and Investment Promotion Office (BTIPO) , spearheaded by Ms. Josh Granada-Gutierrez.

A total of 275 guests and balik-baybay visitors coming from Maasin City Southern Leyte, Ormoc City, and from the different parts of the region graced this newly launched event. It was spiced up by one the best band in the region, the M1s Pure Soul of Southern Leyte in rendering beautiful love songs and much more, in giving the twists to fire up the event. Also, the organizers tapped the Sutuwaki Catering Service from Ormoc City to give a good food to the guests.

A Night of Love in Lintaon Peak is the second event that happened in the Pavilion Hall, Lintaon Peak. As of the moment, this hall is still not accepting reservations for events until such time that there will be an official release of the ordinance from the City Government of Baybay. Moreover, they have been continuously doing improvements such as the installation of the street lights and the construction of the comfort room in the site, to ensure that guests and visitors going to Lintaon Peak are safe and secured. Most importantly, that they will surely have a worthwhile and fun filled experience. | Mark Unlu-cay